આ જવાબ સાંભળી અને રાજાએ કહ્યું, “એવું તો કોઈ હથિયાર નથી જેનાથી શત્રુને જોયા વિના મારી શકાય, આવા અજાણ્યા લોકોને કયા શસ્ત્રથી મારવા ?”ત્યારે ગુરુએ જવાબ આપ્યો કે, “તારે આ શત્રુઓને એવા શસ્ત્રથી મારવાના છે જે લોખંડ કે ધાતુના નથી બન્યા પણ તે મૃદુ હોય અને શત્રુના હૃદયમાં જ ઘા કરે.” રાજાએ જણાવ્યું કે આવા શસ્ત્ર વિશે તો તે જાણતો જ નથી. રાજગુરુએ જણાવ્યું કે આવા ત્રણ શસ્ત્ર છે, જેમાં પહેલું છે પ્રજાને જીવિકા ઉપલબ્ધ કરાવાનું. બીજું છે મીઠી વાણીનો ઉપયોગ કરવો અને ત્રીજું છે યોગ્ય વ્યક્તિઓનું સમ્માન કરવું. આ ત્રણ શસ્ત્ર દુશ્મનના હૃદય પર વાર કરે છે. આ વાત પરથી રાજાને તેની ભુલ સમજાણી અને પોતાનું વર્તન બદલી દીધુ.
આ જ શસ્ત્રો દરેક મનુષ્ય માટે ઉપયોગી છે. જ્યારે વાણી-વર્તન બદલાય છે ત્યારે વ્યક્તિ જાતે જ પોતાના શત્રુઓ ઉત્પન્ન કરે છે. જો ઉપરોક્ત ત્રણ શસ્ત્રોનો ઉપયોગ તમે પણ કરો તો તમે પણ લોકપ્રિય બની શકો છો. કોઈપણ વ્યક્તિનો કરેલો વાર તમને હરાવી શકશે નહીં.
